09.02.2026
Ynsanlarda baý düşünjeleri, täsirli duýgulary terbiýelemekde Magtymguly Pyragynyň eserleriniň hyzmaty örän uludyr. Ol biziň ruhy dünýämizi baýlaşdyrýan çuňňur many-mazmunly eserlerini nesillere miras galdyrypdyr.
Bu günki gün akyldar şahyryň şygyrlary bütin dünýä ýüzünde uly abraýa eýedir. Gahryman Arkadagymyzyň tagallalary netijesinde ol eserler dünýä edebiýatynyň altyn hazynasyndan mynasyp orun aldy.
Golaýda şahyryň goşgular ýygyndysynyň rumyn diline terjime edilip, çapdan çykmagy hem muny nobatdaky gezek äşgär etdi.
Magtymguly Pyragynyň pähim-parasada ýugrulan pelsepesiniň, şahyryň öwüt-ündewleriniň asyrlar aşyp, şu günlere gelip ýetendigine biziň her birimiz örän buýsanýarys.
Aýjahan BAÝAROWA
Köneürgenç etrap prokurorynyň kömekçisi,
ýustisiýanyň kiçi geňeşçisi