02.01.2025

Mu­kad­des Ga­raş­syz­lyk ýyl­la­ry için­de be­ýik akyl­dar şa­hyry­my­zyň ady­ny ebe­di­leş­dir­mä­ge, dö­re­di­ji­li­gi­ni wa­gyz et­mä­ge döw­let de­re­je­sin­de uly üns gö­nük­di­ril­di. Şa­hy­ryň öňe sü­ren ru­hy ýö­rel­ge­si, yn­sap, päk­lik, er­kin­lik, ada­lat­ly­lyk, bir döw­let­li­lik, bir ba­şa gul­luk et­mek ýa­ly ýö­rel­ge­le­ri türk­men hal­ky üçin şu gün hem örän gym­mat­ly bol­ma­gyn­da gal­ýar. Mag­tym­gu­ly ata­myzyň hal­ky ag­zy­bir­li­ge ça­gyr­ýan şy­gyr­la­ryn­da di­ňe bir yk­dy­sa­dy bir­li­giň, güýç-kuw­wa­tyň däl, eý­sem kö­ňül­le­riň, ýü­rek­le­riň bir bol­ma­gy­na üns çe­kil­ýär.

30.12.2024

Türkmenistanyň Konstitusiýasy milli döwletliligiň kemala gelmeginiň hem-de ösmeginiň syýasy-hukuk binýady bolup, dünýäniň oňyn tejribesine daýanýar we şol bir wagtyň özünde, türkmen halkynyň asyrlaryň jümmüşinden gaýdýan iň gowy däp-dessurlaryny hem-de milli aýratynlyklaryny özünde jemleýär. Döwlet esaslarynyň mizemezligini, gadymdan gözbaş alýan demokratik sütünleri we halk häkimi ýetliliginiň köpasyrlyk däplerini alamatlandyrýar.

28.12.2024

Türkmenistanyň Raýat kodeksinde bellenilişi ýaly, mirasdar tarapyndan mi­rasyň ýüze çykarylan ýeri boýunça notarial edara­syna mirasy kabul etmek hakynda arza berilmeli. Şonda miras kabul edilen hasaplanylýar. Şonuň ýaly hem mirasdaryň hakykat ýüzünde emläge eýelik et­mäge ýa-­da dolandyrmaga girişmegi onuň mirasy ka­bul edendigine, gürrüňsiz, şaýatlyk edýär. Eger mi­rasdar mirasyň bir bölegine eýeçilik etmäge hakykatdan girişen bolsa, şol emläk nä­hili beýan edilse hem we haýsy ýerde bolsa hem, ol dolulygyna kabul edilen hasaplanylýar. Eger mirasdar­ laryň biri mirasdan paýy almakdan beýleki mirasdaryň peýdasyna ýüz dönderse, şeýle hereket mirasyň ka­bul edilmegi hasaplanylýar.

26.12.2024

Ata Watanymyzy ösdürmek, halkymyzyň parahat durmuşda ýaşamagyny üpjün etmek, milliligimizi dabaralandyrmak hormatly Prezidentimiziň ynsanperwerlige ýugrulan ýörelgeleriniň içinden eriş-argaç bolup geçýär. Arkadagly Gahryman Serdarymyz «Ýaşlar — Watanyň daýanjy» atly ilkinji kitabynyň «Watan goragy ynamly gollarda» atly bölüminde: «Biz merdana Watan goragçylarynyň öz mukaddes borçlaryny yhlasly hem döredijilikli gulluk bilen mynasyp ýerine ýetirmekleri üçin ähli şertleri döredýäris» diýip belleýär. Garaşsyzlyk ýyllarynda ýurdumyzyň her bir raýatyny, her bir maşgalasyny durmuş taýdan doly goramaga gönükdirilen döwlet maksatnamalary hem-de Türkmenistanyň Konstitusiýasyna esaslanýan kanunlar we kadalaşdyryjy resminamalar kabul edildi.

24.12.2024

Boldumsaz etrabynyň Gubadag şäherinde ýaşaýan Köşek Soltanmyradow geçen urşuň agyrkyn çylyklaryny egninde çeken, şeýle hem iň ýaşuly hukuk goraýjy adam hökmünde tanalýar. Halypa hukuk goraýjy tizara özüniň 100 ýaşynyň toýuny toýlaýar. Boldumsaz etrabynyň Bereketli geňeşliginde önüp-ösen Köşek aga 18 ýaşyny dolduran badyna, meýletinlik bilen Watan goragyna gidýär. Ilkinji harby taýýarlygy geçip, aňtawçy radiotelefonist (razwedkaçy) hünärini ele alýar. 3-nji Ukrain frontunyň 62-nji diwiziýasynyň düzüminde razwedkaçy bolup söweşe girýär.

22.12.2024

Döw­let Baş­tu­ta­ny­my­zyň «Wa­tan di­ňe hal­ky bi­len Wa­tan­dyr! Döw­let di­ňe hal­ky bilen döw­let­dir!» di­ýen şy­ga­ry­nyň şug­la­sy Ber­ka­rar döw­le­tiň tä­ze eý­ýa­my­nyň Gal­ky­nyşy döw­rü­niň her bir döw­let­li tu­tu­myn­da şöh­le­len­ýär. Ýakynda hormatly Prezidentimiz Serdar Berdimuhamedow sanly ulgam arkaly Mi­nistr­ler Ka­bi­ne­ti­niň no­bat­da­ky mej­li­si­ni geçir­di. On­da ýur­du­my­zy dur­muş­yk­dy­sa­dy taýdan ös­dür­me­giň mö­hüm me­se­le­le­ri­ne ga­ral­dy hem-­de döw­le­ti­mi­ziň mil­li ka­nun­çy­lyk bin­ýa­dyny kä­mil­leş­dir­mek, onuň çäk­le­rin­de Türk­menis­ta­nyň Ra­ýat ko­dek­si­niň tä­ze be­ýa­ny­nyň, «Mag­tym­gu­ly Py­ra­gy­nyň me­de­ni mi­ra­sy­ hakyn­da» Türk­me­nis­ta­nyň Ka­nu­ny­nyň tas­la­malaryny taýýarlamak babatda aýdyldy.

20.12.2024

Arkadagly eýýamymyzda ýurdumyzyň kanunçylyk ulgamy il-ýurt bähbitli, döwletimiziň ykdysady kuwwatyny pugtalandyrmaga gönükdirilen, yzygiderli kämilleşdirilýän kanunçylyk namalarynyň kabul edilmegi bilen ösdürilýär. Türkmenistanda kärende gatnaşyklarynyň ykdysady, hukuk we guramaçylyk esaslaryny düzgünleşdirýän hem-de kärende hyzmatlarynyň bazarynyň ösdürilmegine gönükdirilen kanunçylyk namalarynda hem muny aýdyň görmek bolýar. Ýerden peýdalanmak, kärendesine bermek hukuklary bilen baglanyşykly gatnaşyklar Türkmenistanyň Ýer kodeksi, şeýle hem «Kärende hakynda» Türkmenistanyň Kanuny we beýleki kanunçylyk namalary bilen kadalaşdyrylýar.

18.12.2024

Gurmak, döretmek, ýolçekmek ata-babalarymyzdan miras galan döwletli ýörelgedir, sogap işdir. Gahryman Arkadagymyzyň we Arkadagly Gahryman Serdarymyzyň tagallalary bilen bu mukaddes ýörelge dünýä nusga alarlyk derejede dowam etdirilýär. Garaşsyz, hemişelik Bitarap Türkmenistan gadymy Beýik Ýüpek ýoluny zamanabap röwüşde döwrebap desgalar bilen gaýtadan dikeldýär.

16.12.2024

Berkarar döwletiň täze eýýamynyň Galkynyşy döwründe ýaş nesli terbiýelemekde Magtymguly Pyragynyň watançylyk, mertlik, gahrymanlyk, ynsanperwerlik, belent ahlaklylyk, halallyk, ruhubelentlik bilen bagly paýhaslar içinden eriş-argaç bolup geçen şygyrlarynyň ähmiýeti örän uludyr. Ol goşgular biziň üçin ýaş nesillerimizi watançylyk ruhunda terbiýelemekde gymmatly çeşmedir. Şahyr watançylyk temasyndaky «Türkmeniň», «Türkmen binasy», «Döker bolduk ýaşymyz», «Ýeli Gürgeniň», «Başy gerekdir» ýaly ençeme goşgulary döredipdir.

14.12.2024

Üstümizdäki ýyl Gündogaryň akyldary, beýik şahyrymyz Magtymguly Pyragynyň doglan gününiň 300 ýyllygynyň şanly senesi bilen bagly dabaraly wakalara beslenýär. “Pähim-paýhas ummany Magtymguly Pyragy” şygary bilen Garaşsyz döwletimiziň şöhratly taryhyna altyn harplar bilen ýazyljak ýylymyz il-günümizde guwanç duýgusyny döredýär. Türkmen halkynyň Milli Lideri, Gahryman Arkadagymyzyň, Arkadagly Gahryman Serdarymyzyň tagallalary bilen dana şahyrymyzyň sylag-sarpasynyň waspy dünýä dolýar.

12.12.2024

Medeni mirasymyza sarpa goýmak we ony gorap saklamak nukdaýnazaryndan, bu ugry kadalaşdyrmakda, düzgünleşdirmekde kämil kanunlaryň bolmagy zerur bolup durýar. Olaryň biri hem «Muzeýler we muzeý işi hakynda» Türkmenistanyň Kanuny bolup, ol ýurdumyzda muzeý işi babatda jemgyýetçilik gatnaşyklaryny düzgünleşdirýär, tebigy ýadygärlikleri, maddy we ruhy medeniýeti, muzeý edaralarynyň işini ylmy taýdan üpjün etmegiň, öwrenmegiň, saklamagyň we peýdalanmagyň hukuk, ykdysady, social ýörelgelerini belleýär.

10.12.2024

Ýur­du­myz­da mal­la­ryň ge­no­fondu­ny aýap sak­la­ma­ga we art­dyrma­ga, ola­ryň önüm be­ri­ji­lik hi­li­ni üz­nük­siz ýo­kar­lan­dyr­ma­ga hem de gowulandyrmaga gönükdirilen «Mal­dar­çy­lyk­da to­hum­çy­lyk işi ha­kyn­da» Türk­me­nis­ta­nyň Ka­nuny bu pudagyň to­hum­çy­lyk işi­niň hu­kuk we gu­ra­ma­çy­lyk esas­la­ry­ny kes­git­le­mek bi­len bir­lik­de, to­hum mal­dar­çy­ly­gy ba­bat­da iş­le­ýän döwlet eda­ra­la­ry­nyň, ýu­ri­dik we fi­zi­ki şahs­la­ryň işi­ni düz­gün­leş­dir­ýär.

08.12.2024

Ýaş nesle berilýän terbiýäniň halallyk we halal zähmet bilen utgaşykly alnyp barylmagy jemgyýetde arassa kalply, päk ahlakly, ruhubelent, dogruçyl, kämil şahsyýetiň kemala gelmeginiň gözbaşydyr. Ynsan durmuşynda terbiýäniň we oňat gylykhäsiýetleriň esasy halallykda jemlenýär. Lebzi halallyk, beren sözüňde tapylmaklyk, birinden diläp alan zadyňy ynjytman, yzyna gaýtaryp bermeklik türkmen halkynyň öňden gelýän ýolýörelgesidir. Emma durmuşda kähalatlarda karzyna alan puluny, wagtlaýyn ulanmaga alan emlägini sagbolsuny, taňryýalkasyny bilen yzyna gaýtarmakda ejizlik edip, milli ýörelgelerimize ters gelýän hereketleri edýänler hem tapylýar. Elbetde, bu bir durmuş, adamlar ynama arka daýanyp, biribirinden karzyna pulam almaly bolar, emlägi wagtlaýyn ulanyp hem biler, ýöne olar biribirlerini ynjytmaly däldir.

06.12.2024

«Administratiw önümçilik hakynda» Türkmenistanyň Kanuny özüniň gurluşy boýunça umumy düzgünleri, önümçiligiň ýörelgeleri we kepillikleri, möhletleri, önümçiligiň başynda Kabul edilýän administratiw nama, administratiw namanyň hakykylygy, Kabul edilen administratiw nama şikaýat etmek önümçiligi, administratiw namalary ýerine ýetirmek, administratiw önümçiligiň alnyp barylmagy bilen bagly çykdajylary, administratiw önümçiligiň bozulmagy üçin jogapkärçiligi we jemleýji düzgünleri göz öňünde tutýan 10 bapdan, 62 maddadan ybaratdyr.

04.12.2024

Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalarynyň netijesinde, her bir türkmen raýaty pederlerimiziň arzuwlan berkarar ýurdunyň raýatydygyna guwanyp, buýsanyp ýaşaýar. Hukuk döwletimizde kanunyň mizemezligini gazanmak, Esasy Kanunymyz bolan Türkmenistanyň Konstitusiýasynyň, beýleki kanunlaryň we kadalaşdyryjy hukuk namalarynyň takyk hem-de bir meňzeş berjaý edilişine, olaryň ýerine ýetirilişine gözegçilik etmek möhüm wezipe bolup durýar.