11.06.2025

Gadymy döwürlerden bäri halkymyz haýyrly işleri amal etmek, mätäje goldaw bermek ýaly asylly ýörelgelere eýerip gelipdir. Häzirki döwürde hem şeýle ynsanperwer ýörelgeler ýurdumyzyň döwlet syýasatynda öz beýanyny tapýar. Gahryman Arkadagymyzyň adyny göterýän Howandarlyga mätäç çagalara hemaýat bermek boýunça haýyr-sahawat gaznasynyň döredilip, bu gaznanyň hasabyna birnäçe sogaply işleriň amala aşyrylandygyny bellemek bolsa has-da buýsançlydyr. Gahryman Arkadagymyzyň tagallasy bilen işlenip taýýarlanylan «Saglyk» Döwlet maksatnamasyna laýyklykda, ýurdumyzda ynsan saglygyny, hususan-da, çagalaryň hemmetaraplaýyn ösüşini üpjün etmek meselelerine aýratyn ähmiýet berilýär. Bu maksatlary amala aşyrmakda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ynsanperwer hemaýaty bimöçberdir.

07.06.2025

Halkymyz ynsan saglygyny goramaklyga we sagdyn ýaşaýşa, sagdyn durmuş ýörelgelerine asyrlarboýy aýratyn üns berip, çagalarynyň ýaşlykdan arassaçylyk kadalaryna eýermekleri, sagdyn iýmitlenmekleri, sagdyn durmuşy, zähmeti söýýän adamlar bolup ýetişmekleri üçin ähli şert-mümkinçilikleri döretmekligi öz borjy saýypdyr, bu ugurda kämil kadalary, düzgünleri durmuş mekdebiniň ýol-ýörelgesine öwrüpdir. Ol kadalardyr düzgünler ata-babalarymyz, ene-mamalarymyz tarapyndan ýyllaryň dowamynda has-da kämilleşdirilip, beýleki gymmatlyklar bilen birlikde, biziň eşretli zamanamyza gelip ýetipdir.

03.06.2025

Häzirki döwürde ahalteke bedewleriniň dünýädäki şan-şöhratyny has-da artdyrmakda hormatly Prezidentimiziň taýsyz tagallalary netijesinde ägirt uly işler durmuşa geçirilip, şolaryň esasynda hem milli atşynaslyk sungatymyz uly ösüşlere eýe bolýar. Berkarar döwletimizde atçylyk sportunyň ösdürilmegi babatda, ahalteke bedewleriniň tohumçylyk-seçgiçilik işi boýunça giň gerimli işleriň alnyp barylmagy Ýer ýüzünde ahalteke atlaryna bolan gyzyklanmanyň barha artmagyny üpjün edýär.

30.05.2025

Mähriban enelerimiz — dünýämiziň bezegi, ömrümiziň manysy. Türkmen halkynyň asylly ýörelgeleriniň biri-de, enäni Käbä deňemek, oňa mukaddeslik hökmünde garamakdyr. Döwletimizde zenanlarymyz, çagalarymyz uly alada we hem metaraplaýyn gorag bilen gurşalandyr. Zenanlar çaga terbiýelemegiň we täze nesilleriň kemala getirilmeginiň ata-babalarymyz tarapyndan toplanan baý tejribesi ni ulanmak bilen, maşgala gymmatlyklaryny saklamagy we goramagy başarýarlar. Olar milli medeniýetimizi ösdürmekde, milli däpdessurlarymyzy gorap saklamakda, ýaş nesilleri terbiýelemekde uly güýç bolup durýarlar. Gahryman Arkadagymyz «Enä tagzym — mukaddeslige tagzym», «Mert ýigitler gaýrat üçin dogul ýar» atly kitaplarynda ene mukaddesligi, maşgala ojagy, Watan, türkmenleriň milli özboluşlylygynda kemala gelen hem-de watançy we mynasyp raýaty terbiýelemäge ýardam edýän ene-ata bilen çagalaryň arasyndaky gatnaşyklaryň esaslary, maşgala gymmatlyklary dogrusynda giňişleýin beýan edýär.

26.05.2025

Sport we bedenterbiýe jemgyýetiň sagdynlygyny üpjün edýän gymmatlyklardyr. Ýurdumyzda sport bilen bagly öňde goýlan maksatlary amala aşyrmak ugrunda badalga berlen işler üstünlikli durmuşa geçirilýär, ussat türgenleri taýýarlamak ugrunda toplumlaýyn özgertmeler amala aşyrylýar. Sport boýunça halkara hyzmatdaşlygyň has-da giňeldilmegi ajaýyp zamanamyzda döwlet syýasatynyň ileri tutulýan ugurlarynyň biri bolup durýar. Bu tutumlar türkmen sportunyň abraýynyň has-da artmagyna, türgenlerimiziň dünýä derejesinde geçirilýän ýaryşlarda ýokary netijeleri gazanmaklaryna uly täsirini ýetirýär.

22.05.2025

Hormatly Prezidentimiz Serdar Berdimuhamedowyň baştutanlygynda ata Watanymyzyň tebigatyny goramakda, suw gorlaryny ösdürmekde, ene topragymyzy, giň sähralarymyzy lälezarlyga, berekediň mekanyna öwürmekde giň gerimli işler durmuşa geçirilýär. Hormatly Prezidentimiz ýurdumyzda daşky gurşawy goramak, ekologiýa howpsuzlygyny üpjün etmek, ilatyň ýaşaýşy üçin arassa, sagdyn we amatly daşky gurşawy döretmek barada edýän aladasyny döwlet syýasatynyň ileri tutulýan ugry hökmünde kesgitlemek bilen, ekologiýany we tebigaty goramak ýaly meseleleri häzirki döwriň möhüm wezipeleriniň hatarynda goýýar.

18.05.2025

Döwletimiziň Garaşsyzlygyny pugtalandyrmaga, durmuş-ykdysady taýdan durnukly ösüşini üpjün etmäge, halkymyzyň abadançylygyny ýokarlandyrmaga gönükdirilen düýpli özgertmeler üstünliklere beslenýär. Hormatly Prezidentimiziň baştutanlygynda alnyp barylýan beýik işleriň, taryhy tutumlaryň rowaçlanýan zamanasynda döwrüň talaplaryna laýyklykda yzygiderli kämilleşdirilýän kanunçylyk ulgamy möhüm ähmiýete eýedir. Sebäbi kanunçylyk ulgamy ýurdy ösdürmekde täze mümkinçilikleri döredýär. Şunda Baş Kanunymyzyň döwletimiziň kanunçylyk ulgamyny kämilleşdirmegiň mizemez binýady bolup durýandygyny nygtamak gerek.

14.05.2025

Ahal­te­ke be­dew­le­ri gaý­ta­lan­ma­jak gö­zel­li­gi, aja­ýyp­ly­gy, ýyn­dam­ly­gy, çe­ýe­li­gi we çy­dam­ly­ly­gy bi­len bü­tin dün­ýä­de şan-şöh­ra­ta, be­lent yk­rar­na­ma eýe bol­dy. Was­py be­lent­den ýe­ti­ril­ýän be­hiş­di be­dew­le­ri­miz hal­ky­my­zyň mil­li buý­san­jy bol­mak bi­len, umu­ma­dam­zat gym­mat­lyk­la­ry­nyň gen­jiha­zy­na­sy­na go­şan çäk­siz go­şan­dy­dyr. Hä­zir­ki dö­wür­de ahal­te­ke be­dew­le­ri ýur­du­my­zyň baş ny­şa­ny­na, dö­wür­le­riň we ne­sil­le­riň aý­ryl­maz ara­bag­la­ny­şy­gy­nyň, Ga­raş­syz, ba­ky Bi­ta­rap Türk­me­nis­ta­nyň Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­niň dö­re­di­ji­lik kuw­wa­ty bi­len tä­ze be­lent­lik­le­re ta­rap öňe git­me­gi­niň aý­dyň be­ýa­ny­na öw­rül­di. Çün­ki türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň nyg­taý­şy ýa­ly, «Ahal­te­ke be­de­wi — eý­ýam­la­ryň be­de­wi».

10.05.2025

Halkara hukugynda hemişelik Bitaraplyk diýlip belli bir döwletiň içeri we daşary syýasatyny parahatçylykly ýöretmek hem-de beýleki ýurtlaryň içerki işlerine gatyşmazlyk ýörelgelerini kanuny esasda kabul etmegine aýdylýar. Ýurdumyzyň hemişelik Bitarap lyk hukuk ýagdaýynyň ýokary halkara we ykdysady ähmiýeti onuň birnäçe halkara resminamalarda, şonuň ýaly-da ýurdumyzyň milli kanunçylygynda berkidilendigi bilen şertlendirilýär. Elbetde, halkara hukuk resminamalaryna, ilkinji nobatda, 1995-nji ýylyň 12-nji dekabrynda BMG-niň Baş Assambleýasynyň 50-nji mejlisinde kabul edilen ýörite Kararnama degişlidir. Bu resminama bilen Türkmenistan dünýä bileleşigi tarapyndan ykrar edilen ilkinji we ýeke-täk hemişelik Bitarap döwlet boldy. Ýurdumyzyň bu hukuk ýagdaýy 2015-nji ýylda kabul edilen degişli Kararnama bilen ýene-de bir gezek tassyklanyldy.

06.05.2025

2025-nji ýyl BMG-niň döredilmeginiň 80 ýyllygyna, Türkmenistanyň hemişelik Bitaraplygynyň halkara derejede ykrar edilmeginiň 30 ýyllygyna beslenmegi bilen, özboluşly many-mazmuna eýedir. Türkmenistanyň Halkara parahatçylyk we ynanyşmak ýylynyň dowamyndaky işleriniň, ileri tutýan ugurlarynyň Konsepsiýasynda beýan edilýän ýurdumyzyň häzirki zamanyň ählumumy gün tertibiniň meseleleri, özara ynanyşmak, dialog we jogapkärçilik esasynda döwletleriň tagallalaryny birleşdirmek bilen bagly garaýyşlary hemişelik bitaraplyk ýörelgelerimiz bilen berk baglanyşyklydyr.

02.05.2025

Parahatlyk abadanlykdan, asudalykdan we agzybirlikden başlanýar. Adamlaryň arasyndaky jebislik we bitewülik, tagallalaryň birligi jemgyýetiň kämildigini, ynanyşmak medeniýetine esaslanýandygyny görkezýär. Döwletleriň arasyndaky hoşniýetli we dostlukly gatnaşyklar parahatçylygyň höküm sürýändigini alamatlandyrýar.

28.04.2025

Parahatçylyk we yna­nyş­mak ­—­ bu biziň mizemez gymmatlygymyzdyr, bagtyýar durmuşymyzyň gözbaşydyr. Çünki agzy bir türkmen halkymyz asyrlarboýy parahat, asuda, özbaş dak döwletiň arzuwynda ýaşapdyr. Pederlerimiz ylalaşykly ýaşaýşyň, abadan durmuşyň, asudalygyň, parahatçyly gyň adamzady baky bagtyýarlyga, berkararlyga ýetirýän di gine ynanypdyrlar. Ata-babalarymyzyň şeýle arzuwlaryny, belent ynamyny äleme ýaýan hemişelik Bitaraplygymyz türkmen halkymyza parahat, asuda, bolelin we gülleýän durmuşy peşgeş berdi. Türkmenistan döwletimiziň alyp barýan parahatçylyk söýüjilik syýasatyny Ýer ýüzünde dabaralandyrdy.

24.04.2025

Berkarar döwletiň täze eýýamynyň Galkynyşy döwründe merdana ata-babalarymyzdan miras galan milli däp-dessurlarymyz esasynda ýaşlar Watana, halka wepalylyk, mertlik, adalatlylyk, gerek bolsa, öz mähriban Watany, eziz halky üçin gahrymançylyk görkezmäge taýýarlyk ruhunda terbiýelenýärler. Harby gullukçylarda çuňňur watansöýüjiligi, Watana wepalylygy kemala getirmekde Gahryman Arkadagymyzyň ýiti paýhasyndan dörän kitaplary, öwüt-ündewleri ýörelge bolup hyzmat edýär. Türkmen halkynyň Milli Lideri Gahryman Arkadagymyzyň ykbalyny ýurt goragyna — mukaddes borja baglan ýigitlere bagyşlap ýazan «Watan goragy mukaddesdir», «Mertler Watany beýgeldýär», «Mert ýigitler gaýrat üçin dogulýar» atly eserleri Watan ogullarynyň gulluk durmuşynda yhlasly, halal zähmet bilen üstünlikleri gazanmaklarynda şamçyrag boldy.

20.04.2025

Täze taryhy döwrümizde Türkmenistan oňyn Bitaraplyk, parahatçylyk söýüjilik, hoşniýetli goňşuçylyk ýörelgelerine ygrarlydygyny aýdyň görkezip, ählumumy abadançylygyň bähbidine deňhukukly, netijeli hyzmatdaşlygyň giňeldilmegine uly goşant goşýar. Şunuň bilen baglylykda, hemişelik Bitaraplygymyzyň hukuk esaslaryna daýanyp, milli kanun çykaryjylyk ulgamy hem döwrüň talaplaryna laýyklykda yzygiderli kämilleşdirilýär, täze kanunlar kabul edilýär.

17.04.2025

Mälim bolşy ýaly, Ösüş arkaly parahatçylyga gönükdirilen hyzmatdaşlyk Garaşsyz, hemişelik Bitarap Türkmenistan ýurdumyzyň daşary syýasat strategiýasynyň baş maksady. Hut şoňa görä-de, Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň pähim-paýhaslary esasynda ýurdumyzyň geosyýasy we geoykdysady mümkinçilikleri parahat durmuşyň we döredijilikli ösüşiň bähbidine gönükdirilýär. Türkmenistan döwletimizde Birleşen Milletler Guramasy, Garaşsyz Döwletleriň Arkalaşygy, Ýewropada Howpsuzlyk we Hyzmatdaşlyk Guramasy, Goşulyşmazlyk Hereketi ýaly abraýly halkara guramalary, Ýuwaş ummany we Aziýa se­bit­le­ri, Or­ta we Ýa­kyn Gün­do­gar, Ýew­ro­pa we Ame­ri­ka ýurt­la­ry bi­len dür­li ugur­lar­da­ —­  syýasatda, ykdysadyýetde, ylym-bilimde, medeniýetde gatnaşyklarymyzy pugtalandyrmaga we çuňlaşdyrmaga aýratyn ähmiýet berilýär. Halkara guramalary bilen alnyp barylýan işjeň hyzmatdaşlyk, ähli döwletler bilen ösdürilýän dostlukly gatnaşyklar bolsa ata Watanymyzyň dünýä jemgyýetçiligindäki at-abraýynyň artýandygyny görkezýär.